8-17 აგვისტოს, ქ. ფოთში ტრადიციულად გაიმართება ფოთის მე-18 საერთაშორისო საჭადრაკო ფესტივალი "ნანა ალექსანდრიას თასი-2025". ფესტივალის პროგრამით ტარდება 11 სხვადასხვა ტურნირი: A ღია ტურნირი (ფიდეს რეიტინგი 1901 და მეტი), B ღია ტურნირი (ფიდეს რეიტინგი 2000 და ნაკლები), C ღია ტურნირი (ფიდეს რეიტინგი 1800 და ნაკლები), D ღია ტურნირი (ფიდეს რეიტინგი 1600 და ნაკლები), E ღია ტურნირი (ურეიტინგო მოჭადრაკეები), I ღია ბლიც ტურნირი, II ღია ბლიც ტურნირი, 10 წლის ჭაბუკთა შორის, 10 წლის გოგონათა შორის, 8 წლის ჭაბუკთა შორის, 8 წლის გოგონათა შორის. ფესტივალის საპრიზო ფონდი 60 000 ლარია. 2024 წელს ფესტივალში მონაწილეობდა 15 ქვეყნის 470-მდე მოჭადრაკე.